Antes, a festa de Leiro celebrabámola na carretera, onde hoxe está a parada do autobús. E alí, tocaba a orquestra, faciámolo baile e todo. Facer a festa na carretera, non era só en Leiro, facíase en moitos sitios. A carretera nacional non era como agora, era máis estreita e pasaban moi poucos coches. Así que cando viña un coche, a xente deixaba de bailar, apartábanse e listo. Podían pasar un ou dous coches, non máis, pasaba, e a festa continuaba. Lembro dunha vez, que veu un coche, pasou, e logo parou, e baixaron dúas mulleres e un home, e veña, puxéronse a bailar unha peza.
Os músicos que viñan tocar, repartíanse para comer polas casas da parroquia. Así que igual viñan un ou dous comer na nosa casa. Agora, non pensedes que pasaba como nas películas, viñan tocar e marchaban, ningún quedou namorado nin casou alí, e ninguén fuxiu cun músico.
